Vil du ta ei sentral rolle i å etablere framtidas tenester, og ha ei aktiv rolle i arbeidet med innovasjon og digitalisering for seks av Telemarks flottaste kommunar? FAKTA OM…
3. januar var det møte i Rådmansutvalet med møtestad Seljord.
Sakslista var som følger:
- Digitalisering
- Velferdsteknologi v/Sissel
- NAV i Vest-Telemark. Drøfting med T. Tønnessen
- Møteplan 2018
Disposisjon for digitalisering i Vest-Telemark
Ole Dalen i Vest-Telemarkrådet la fram disposisjon for samarbeid med digitalisering i Vest-Telemark. Det vart vedteken av saka videre skal opp i Vest-Telemarkrådet og seinare også opp til politisk handsaming i kommunane. Dokumentet med disposisjonen med vedlegg kan lastas ned her.
Kjøreplan for vidare arbeid:
| Dato | Oppgave |
| 3. januar | Sak i rådmannsutvalet |
| 30. januar | Møte i AU – sak til VTR |
| 13. februar | Handsaming i Vest-Telemarkrådet |
| 13. februar | Godkjenning frå styret i Rådet for tilsetting (sjå delegeringsreglement for VTR) |
| Ultimo april | Kommunane har forplikta* seg til å delta i arbeid med felles med digitalisering |
| 1. mai | Tidspunkt for utlysing av stilling |
| 1. september | Tiltreding av stilling knytt til digitalisering i Vest-Telemark |
Besøk av pressa
For fyrste gong i RU fekk vi besøk av pressa. Kari Smeland frå Vest-Telemark Blad var med i møtet, og var særleg opptatt av saka knytt til NAV i Vest-Telemark.
Kari har budd i Oslo i 10 år, og vart tilsett i Vest-Telemark Blad i september, og har flytt tilbake til heimbygda si Kviteseid. Etter ein prat på gangen, røper ho at ho har vore med på fleire av treffa mellom utflytta Vest-Telemark for nokon år tilbake på det såkalla «Vest-Telemarktreffet».
NAV – 5 kontor er stort nok!
I dialog med rådmennene, uttaler Terje Tønnessen at det er avgjerande å ha større einingar om ein skal få tildelt oppgåver og få være med i den vidare utviklinga. Han uttaler også at valg av hovudlokasjon ikkje er avgjerande for NAV, og at ei samling med 5 kommunar også vil kunne definerast som «eit myndig NAV-kontor» og slik få tildelt oppgåver i framtida. Han maner videre til at ein finn ei løysing for alle seks kommunane, og legg til at ein ikkje vil «få sitte med bordet» i framtida om ein vel å oppretthalde strukturen med NAV-kontora slik dei er i dag.
Seljord
NAV-saka er tenkt som sak i formannskapet 18. januar, med vidare drøfting i kommunestyre 1. februar. Påfølgande møte i Seljord kommune er 10. april.
Vidare prosess i Vest-Telemark: Lokalisering fyrst!
Det er naturleg at kommunane får diskutere saka i felles fora. Neste møte i Arbeidsutvalget før møte i Vest-Telemarkrådet er 30. januar. Her fastsettast saksliste før møte i VTR er 13. februar.
Andre innlegg
