Vest-Telemarkrådet startar møtet med ei orientering frå Ole Dalen i Vest-Telemark næringsutvikling gjeldande felles grafisk profil for Vest-Telemark. Sentrale målsetjingar som styrkt identitet og auka medvet om kvalitetane i regionen ligg til grunn for arbeidet med ein slik felles profil. Rådet vert invitert til å fastsetje bruken av denne.
Vidare får Rådet framlagt ein ny rapport gjeldande mogleg samlokalisering av lensmannskontor i nokre av kommunane. Rapporten ligg til grunn for ei nærare drøfting av ulike problemstillingar om politi-tenestene i regionen.
Tilstades i rådsmøtet er også direktør Grete Horntvedt frå Norsk Kulturarv som vil orientere om organisasjonens arbeid mellom anna i høve til kommunane.
Det vert også lagt opp til orienteringar omkring Statens vegvesen sitt handlingsprogram for 2010 – 2013, søknader om skjønnsmidlar og midlar til forsøk med kollektivtransport i distrikta samt drøfting av moglege innspel til ny landbruksmelding.
Vest-Telemarkrådet vil også markere at Vinje er best igjen.
Sjå saksdokumenta her:
Arkiv
